Алдын хабар бергенимиздей, Президент мектеплерине сайлап алыў басқышы имтиханлары усы жылдың 29-30-июнь ҳәм 1-2-3-июль күнлери болып өтеди.
Нөкис қаласындағы Президент мектебине кириў ушын талабанлар арасында кириў имтиханлары еки орында болып өтетуғынлығы белгиленген:
1) Олимпия ҳәм миллий спорт түрлери бойынша Нөкис жоқары спорт шеберлиги мектеби («Айдын жол» спорт комплекси) (мәнзили: Нөкис қаласы, М.Жуманазаров көшеси, 172-жай);
2) Нөкис қәнигелестирилген Олимпия резервлери мектеп-интернаты (бурынғы Олимпия резервлери колледжи) (мәнзили: Нөкис қаласы, Шымбай гүзары, номерсиз жай).
Ислам Матеков,
Қарақалпақстан хабар агентлигиниң шолыўшысы.