Усы жыл 28–31-октябрь күнлери аралығында пайтахтымыздағы 1-санлы балалар ҳәм жас өспиримлер спорт мектебинде спорттың гүрес түри бойынша 2002–2004-жыллары туўылған жас өспирим ер балалар ҳәм қызлар арасында Өзбекстан чемпионаты өткерилди.
Чемпиоанатқа Қарақалпақстан Республикасы, Ташкент қаласы ҳәм барлық ўәлаятлардан келген 608 жас палўан (421 и ер балалар, 187 си қызлар) 18 салмақ категориясында өз-ара күш сынасты.
Спортшылардың беллесиўлери тәжирийбели төрешилер тәрепинен әдил баҳаланып барылды.
Жарыс жуўмағында жас өспирим ер балалар арасында 38 кг салмақта Абдулазиз Абдушукуров (Самарқанд), 42 кг салмақта Мехриддин Шодиев (Самарқанд), 46 кг салмақта Зафар Мусырманов (Самарқанд), 50 кг салмақта Бахрам Батиров (Бухара), 55 кг салмақта Азиз Артиқов (Наўайы), 60 кг салмақта Шухрат Шарипов (Бухара), 65 кг салмақта Шерзод Бахрамов (Қашқадәрья), 71 кг салмақта Нурбек Муртазаев (Қашқадәрья), 77 кг салмақта Жаҳонгир Мамарахимов(Сурхандәрья), +77 кг салмақта Фирдавс Давлатов (Қашқадәрья) лар бириншиликти ийелеген болса, қызлар арасында 33 кг салмақта Муҳаббат Қудратова (Бухара), 36 кг салмақта Мухайё Ахметова (Қашқадәрья), 40 кг салмақта Айнура Қуўанышбаева (Қарақалпақстан), 44 кг салмақта Зухра Исакова (Қарақалпақстан), 48 кг салмақта Үмида Жуманиязова (Қарақалпақстан), 52 кг салмақта Шукиржан Аминова (Хорезм), 57 кг салмақта Мадина Раззақова (Самарқанд), +57 кг салмақта Шахноза Базарова (Наўайы)лар биринши орын жеңимпазы деп табылып, Өзбекстан чемпионы болды.
Жеңимпазлар шөлкемлестириўшилер тәрепинен таярланған диплом ҳәм қымбат баҳалы саўғалар менен сыйлықланды.
Т.СЕЙТНАЗАРОВА,
Қарақалпақстан хабар агентлигиниң хабаршысы
(Мақаланың сүўретлери М.Ҳабибуллаев тәрепинен түсирилген)