«Өзбекстан – 2030» стратегиясын «Қоршаған орталықты қорғаў ҳәм «жасыл экономика» жылында әмелге асырыў бойынша Мәмлекетлик бағдарлама ҳәм оны тастыйықлаў ҳаққындағы Өзбекстан Республикасы Президенти Пәрманы жойбарлары ислеп шығылып, кең жәмийетшиликке додалаў ушын жәрияланды.
Мәмлекетлик бағдарлама жойбарында 5 тийкарғы бағдар бойынша 2025-жыл ушын әмелий илажлар, нормативлик-ҳуқықый ҳүжжетлердиң дизими ҳәм мақсетли көрсеткишлер нәзерде тутылмақта.
Жойбарда қоршаған орталықты қорғаў ҳәм «жасыл экономика» мәселелери, сондай-ақ, социаллық-экономикалық, мәмлекетлик басқарыў, суд-ҳуқық, қәўипсизлик ҳәм сыртқы сиясат бағдарларына 2025-жылға мөршеленген кең көлемли реформалар нәзерде тутылған.
Жойбар 2025-жыл 22-январьға шекем кең жәмийетшилик ҳәм экспертлик додалаўларынан өткериледи.
«Раўажланыў стратегиясы» орайы жәмәәти барлық ўатанласларымыздан 2025-жылғы Мәмлекетлик бағдарламаның жойбарын додалаўға белсене қатнасып, өз усынысларын Орайдың арнаўлы uzbekistan2030.uz онлайн порталы арқалы билдириўлерин сорайды.
ӨзА