Инсан ҳуқықлары пүткил жер жүзилик декларациясы қабыл етилгенлигиниң 70 жыллығы мүнәсибети менен «Өзбекстанда инсан ҳуқықлары-жоқары қәдирият» атамасында мәмлекетлик грантының қосымша таңлаўын
ЖӘРИЯЛАЙДЫ
Таңлаўға мәмлекетлик емес коммерциялық емес шөлкемлердиң ҳәм пуқаралық жәмийетиниң басқа да институтларының төмендеги социаллық мақсетлерди әмелге асырыўды нәзерде тутқан жойбарлары қабыл етиледи:
- Жәмийетте жоқары ҳуқықый сананы ҳәм дүньяқарасты, инсан ҳуқықлары менен еркинликлери мәдениятын жоқарылатыў.
- Мәмлекет ҳәм жәмийеттиң ашық-айдын пикирлесиўиниң түрлери менен механизмлерин буннан былай да кеңейтиўде ҳәм нәтийжелилигин арттырыўда мәмлекетлик уйымлар менен социаллық шерикликти күшейтиў.
- Жәмийетлик қадағалаў институтын кеңнен ен жайдырыў, оның түри ҳәм механизмлериниң тәсиршеңлигин арттырыў.
- Ҳәрекетлер стратегиясы шеңберинде қабыл етилген нормативлик-ҳуқықый ҳүжжетлердиң мазмун-мәнисин жергиликли ҳәм сырт ел аудиториясына жеткериўдиң инновациялық усылларын турмысқа ен жайдырыў.
- Жәмийетте шаңарақ институтының орнын буннан былай да беккемлеўге, оның абырайын арттырыўға, ажырасыўлардың ҳәм социаллық жетимликтиң алдын алыўға жәрдем бериў.
- Шахстың мийнет етиўи, еркин кәсип таңлаўы ҳәм нызамларда белгиленген тәртипте жумыссызлықтан қорғалыўына әмелий жәрдем көрсетиў.
- Жәмийетте илимий-техникалық дөретиўшилик еркинлиги, мәденияттың жетсикенликлеринен пайдаланыў ҳуқықын тәмийинлеўге көмеклесиў.
- Жасларды, әсиресе, ата-ана қәўендерлигинен айырылған жасларды социаллық қоллап-қуўатлаў, тараўда социаллық шерикликти ҳәм жәмийетлик қадағалаўды қәлиплестириў.
- Аўыр социаллық машқалалар астында қалған жәрдемге мүтәж халық қатламларының жәмийетке интеграцияласыўында, реабилитациясында ҳәм бейимлесиўинде социаллық шерикликти күшейтиў.
- Мәҳәллелерде ҳуқықбузарлықлардың алдын алыўда, профилактика етиўде, ҳуқықбузарлықларға маўасасызлық орталығын жаратыўда мәмлекетлик уйымлар менен социаллық шериклик механизмлерин кеңнен енгизиў.
- Жәмлеспеген, тәрбиясы қыйын жаслар менен ислесиўде мәмлекетлик атқарыў уйымларына әмелий жәрдем бериў, олар менен социаллық шерикликти буннан былай да күшейтиў.
- Тутыныўшылардың ҳуқықларын тәмийинлеў системасын жетилистириў, денсаўлықты сақлаў, билимлендириў, мәденият ҳәм спорт тараўларында жәмийетлик қадағалаўдың жаңа түрлерин ҳәм механизмлерин енгизиў.
- Жәмийетте миллетлераралық тынышлық-татыўлық, кеңпейиллик принциплерин, миллий ҳәм улыўма инсаныйлық қәдириятларды буннан былай да беккемлеўге жәрдем бериў.
- «Абат мәҳәлле», «Абат аўыл», «Жасла-келешегимиз» Мәмлекетлик бағдарламаларын әмелге асырыўда жәргиликли мәмлекетлик уйымларға, пуқаралардың өзин-өзи басқарыў уйымларына кең көлемде әмелий жәрдем көрсетиў.
- Жаслардың бос ўақтын мазмунлы шөлкмлестириў, оларды дүньялық билимлерди ийелеўге хошаметлеў.
- «Жаўызлыққа қарсы-ағартыўшылық» сүрени астында жаслар арасында дүркин тәрбиялық илажларды шөлкемлестириў.
- Мәҳәллелерде жәмийетлик-мәнаўий орталықты буннан былай да жақсылаўда жергиликли мәмлекетлик уйымлар ҳәм ири жәмийетлик шөлкемлер менен бирге ислесиўди күшейтиў.
Мәмлекетлик грант таңлаўында қатнасыў ушын төмендеги ҳүжжетлер усынылады:
- Шөлкемниң басшысы тәрепинен қол қойылған ҳәм мөр менен тастыйықланған жоллама хаты.
- www.fundngo.uz веб-сайтында жайластырылған түрде толтырылған мәмлекетлик грант жойбары ушын арза.
- Мәмлекетлик дизимнен өткерилген Устав (Реже) ҳәм гүўалықтың мөр менен тастыйықланған нусқасы.
- Егер жойбарды әмелге асырыў лицензияланатуғын жумысты талап етсе, онда лицензияның нусқасы усынылады.
- Мәпдар мәмлекетлик ҳәм ири жәмийетлик шөлкемлер менен дүзилген социаллық шерикликтиң бирликтеги режелери қосымша етилиўи мүмкин.
Бир жойбар ушын мәмлекетлик грант муғдары-30 миллион сум.
Ҳүжжетлер 2018-жыл 17-сентябрьден 22-октябрьге шекем қабыл етиледи.
Ҳүжжетлер «Өзбекстан Республикасы Олий Мажлиси жанындағы жәмийетлик қоры» атына:
100163, Ташкент қаласы, Ислам Кәримов көшеси, 43-жай мәнзилине «Өзбекстан почтасы» арқалы мөр басылған конвертте (А4 форматта) жиберилиўи шәрт.
Ҳүжжетлердиң үлгилери менен Өзбекстан Республикасы Олий Мажлиси жанындағы жәмийетлик қордың www.fundngo.uz рәсмий веб-сайтында танысыў мүмкин.
Мағлыўмат ушын телефонлар: (0371) 239-26-76, 239-26-86.