Өзбекстан мәмлекетлик денетәрбиясы ҳәм спорт университети Нөкис филиалында «9-декабр –халықаралық коррупцияға қарсы гүресиў күни» алдынан «Жасларда коррупцияға қарсы мүнәсибетти қәлиплестириў» атамасында студентлер менен ушырасыў болып өтти.
Илажды филиалдың коррупцияға қарсы гүресиў комплаенс-қадағалаў системасын басқарыў бөлиминиң қәнигеси Н.Раманқулов кирис сөз бенен ашты ҳәм басқарып барды.
Ушырасыўда Қарақалпақстан Республикасы Әдиллик министрлигиниң ҳуқықый мәлимлеме секторы бас мәсләҳәтшиси Б.Матжанова, Қарақалпақстан Республикасы Ишки ислер министрлигиниң коррупция ҳәм экономикалық жынаятларға қарсы гүресиў бөлими қәнигеси, майор С.Туреев ҳәм филиалдың профилактика инспекторы, капитан Р.Исмайловлар студент-жасларға коррупцияның жәмийет раўажланыўына көрсететуғын кери тәсирлери ҳаққында мағлыўматлар берди.
Илажда студентлер тәрепинен қәнигелерге коррупцияның алдын алыў бойынша елимизде алып барылып атырған жумыслар ҳәм олардың нәтийжелери бойынша сораўлар берилип, оларға тийисли жуўаплар алды.
Адилбай Оразов,
Қарақалпақстан хабар агентлиги шолыўшысы