Өзбекстан Республикасы Президенти Шавкат Мирзиёев ҳәм Корея Республикасы Президенти Юн Сок Ёль арасында болып өткен нәтийжели сөйлесиўлердиң жуўмақлары бойынша еки тәреплеме ҳүжжетлердиң салмақлы топламы қабыл етилди.

Мәмлекет басшылары өз алдына стратегиялық шерикликти және де тереңлестириў ҳәм ҳәр тәреплеме кеңейтиў ҳаққындағы биргеликтеги баянатқа қол қойды.

Мәмлекетлик сапар шеңберинде жәми 17 ҳүжжет, соның ишинде:

–Экономикалық раўажланыў ҳәм бирге ислесиў қоры менен ҳүкиметлераралық келисим;

–Корея Экспорт – импорт банки ҳәм Hyundai Rotem компаниясы менен тез жүрер электр поездларын сатып алыў ҳәм жеткерип бериў ҳаққындағы келисимлер;

–Корея Экспорт- импорт банки менен арнаўлы мектеплер ушын илим, мәлимлеме-коммуникация технологиялары үскенелерин жеткерип бериў ҳаққындағы келисим;

–«Ташкент Фарма Парк» инновациялық фармацевтика кластери жойбарын әмелге асырыў ҳаққындағы келисим;

–Өзбекстан мәмлекетлик хызметкерлери потенциалын арттырыў тараўындағы бирге ислесиў ҳаққындағы келисим;

–сыртқы ислер министрликлери арасында 2025-2027- жылларға мөлшерленген бирге ислесиў бағдары;

–Жәҳән саўда шөлкеми шеңберинде бирге ислесиў ҳаққындағы протокол;

–Мәденият тараўындағы бирге ислесиў ҳаққындағы протокол;

–Транспорт тараўында бирге ислесиў ҳаққындағы протокол;

–Өзбекстан аймақларында орайласқан ыссылық тәмийнаты системаларын модернизациялаў бойынша бирге ислесиў ҳаққындағы келисим;

–Жүдә әҳмийетли минераллар тараўында шериклик ҳаққында келисим;

– Саўда-экономикалық бирге ислесиў бойынша Өзбекстан –Корея биргеликтеги комитетиниң жумысын қоллап-қуўатлаў ҳаққындағы келисим;

–Илимий дәрежели ҳәм профессионал кадрлар таярлаў бойынша бирге ислесиў ҳаққындағы меморандум;

–Аўыл хожалығы тараўында бирге ислесиў ҳаққындағы меморандум;

–“ Ўзсаноатқурилишбанк” АЖ менен Корея Экспорт-импорт банки арасында банклераралық мастер-кредит линиясы ҳаққындағы келисимге қол қойылды.

                                                                                                         ӨзА