Жынаят ислери бойынша Нөкис районы судының тергеў судьясы Г.Утепбергенова тәрепинен районлық Ишки ислер бөлими имаратында көшпели ашық суд мәжлиси өткерилди.

Онда Өзбекстан Республикасы ҳәкимшилик жуўапкершилик ҳаққындағы кодекстиң 131-статьясы (транспорт қуралларын мәс ҳалында басқарыў)нда көрсетилген ҳуқықбузарлықты ислеген еки шахстың қарсысына топланған ис ҳүжжетлери көрип шығылды.

Ҳуқықбузар Д.Ф.  Өзбекстан Республикасы Ҳәкимшилик жуўапкершилик ҳаққындағы кодекстиң 131-статьясы 1-бөлими менен айыплы деп табылып, оған 1 жыл 6 ай мүддетке барлық түрдеги автотранспорт қуралларын басқарыў ҳуқықынан айырыў ҳәм базалық есаплаў муғдарының 25 есеси, яғный 9.375.000 сум муғдарында жәрийма жазасы,  пуқара Қ.Ж. Өзбекстан Республикасы ҳәкимшилик жуўапкершилик ҳаққындағы кодекстиң 131-статьясы 2-бөлими менен айыплы деп табылып, оған он бес сутка ҳәкимшилик қамақ жазасы тайынланды.

Қарақалпақстан хабар агентлиги