Jınayat isleri boyınsha Nókis rayonı sudınıń tergew sudyası G.Utepbergenova tárepinen rayonlıq Ishki isler bólimi imaratında kóshpeli ashıq sud májlisi ótkerildi.

Onda Ózbekstan Respublikası hákimshilik juwapkershilik haqqındaǵı kodekstiń 131-statyası (transport quralların más halında basqarıw)nda kórsetilgen huqıqbuzarlıqtı islegen eki shaxstıń qarsısına toplanǵan is hújjetleri kórip shıǵıldı.
Huqıqbuzar D.F. Ózbekstan Respublikası Hákimshilik juwapkershilik haqqındaǵı kodekstiń 131-statyası 1-bólimi menen ayıplı dep tabılıp, oǵan 1 jıl 6 ay múddetke barlıq túrdegi avtotransport quralların basqarıw huqıqınan ayırıw hám bazalıq esaplaw muǵdarınıń 25 esesi, yaǵnıy 9.375.000 sum muǵdarında járiyma jazası, puqara Q.J. Ózbekstan Respublikası hákimshilik juwapkershilik haqqındaǵı kodekstiń 131-statyası 2-bólimi menen ayıplı dep tabılıp, oǵan on bes sutka hákimshilik qamaq jazası tayınlandı.

Qaraqalpaqstan xabar agentligi