14-январь – Ўатан қорғаўшылары күни
Қарақалпақстан Республикасы тарийхы ҳəм мəденияты мəмлекетлик музейи филиалы Мойнақ Экология музейинде 14-январь – Ўатан қорғаўшылары күнине арналған “Ўатанның мəрт перзентлери” атамасында байрам кешеси болып өтти.
Илажда Ўатан қорғаўшыларының мәртлиги ҳəм елимиздиң тынышлығы жолындағы хызметлери айрықша атап өтилип, илажда Қəнигелестирилген тəбиятты қорғаў батальонының киши сержанты О.Батыровқа музей жәмәәти тәрепинен мақтаў жарлығы тапсырылды.
Илаж даўамында жасларға Ўатан қорғаўшыларының хызмет өтеўи, оларға жаратылған шараятлар ҳәм бул бағдарда әмелге асырылып атырған жумысларды өзинде сәўлелендирген видеоролик қойып берилип, жас әскерлер ҳәм оқыўшы-жаслар өз-ара пикир алысты.
Бундай илажлар жасларды руўхый жақтан қоллап-қуўатлап, тəрбиялап ғана қоймай, Ўатан тынышлығын сақлаў жолында хызмет етип атырған Ўатан қорғаўшыларына болған ҳүрметти де беккемлеўге хызмет етеди.
Байрам кешеси миллий аяқ ойынлар ҳəм жас қосықшылар тəрепинен атқарылған йошлы қосықлар менен жоқары кейпиятта даўам етти.
Қарақалпақстан хабар агентлиги