Өзбекстан Республикасы Президенти Шавкат Мирзиёевтиң тапсырмаларына муўапық Қазақстан Республикасында жүз берген суў тасқынлары ақыбетинде зыян көрген халыққа гуманитарлық жәрдеми жиберилди.
Гуманитарлық жәрдем жүгин қәлиплестириў ҳәм белгиленген мәнзилге жеткерип бериўге байланыслы шөлкемлестириў мәселелерине қаратылған Министрлер Кабинетиниң бийлиги қабыл етилди.
Гуманитарлық жәрдем жүгин Өзбекстан Республикасы Президентиниң кеңесгөйи Т.Худайбергеновтың басшылығындағы жумысшы топар Қазақстан Республикасына жеткерип береди.
15 үлкен көлемдеги жүк автомобильлериндеги гуманитарлық жәрдеминде азық-аўқат өнимлери, ҳаял-қызлар, балалар ҳәм ер адамлардың кийим-кеншеклери, көрпеше, жамылғыш, көпшиклер, гигиеналық қураллар, арнаўлы қурылмалы шатырлар, резина қайық топламлары ҳәм басқа да зәрүр өнимлер орын алған.
Қарақалпақстан хабар агентлиги