Душанбедеги «Қасри Миллет» резиденциясында мәмлекетлик сапар менен Тәжикстанға келген Өзбекстан Республикасы Президенти Шавкат Мирзиёевти рәсмий күтип алыўға бағышланған салтанатлы мәресим болды.
Жоқары мәртебели мийман ҳүрметине қараўыл сап тартты. Еки мәмлекет гимнлери жаңлады.
Президентлер Шавкат Мирзиёев ҳәм Эмомали Раҳмон қараўыл сапы алдынан өтип, рәсмий делегациялар ағзаларын бир-бирине таныстырды. Биргеликте сүўретке түсти.
Ҳәзирги пайытта мәмлекет басшылары еки тәреплеме ушырасыў өткермекте.
ӨзА