Жиу житсу спорт түри бойынша Қарақалпақстан Республикасы командасы жылдың ең күшли командасы деп табылды
Усы жылдың 19-22-октябрь күнлери Наманган ўǝлаятында спорттың Жиу житсу түринен Өзбекстан кубоги жарысы ѳткерилди.
Жарыста Қарақалпақстан Республикасы командасынан 150 ден аслам спортшы қатнасып, 39 алтын медальды жеңип алды ҳǝм улыўма командалық есапта 1-орынды ийелеп, «Жылдың ең күшли командасы» деп табылды.
2023-жылдың жуўмағы бойынша жақсы нǝтийжелер кѳрсеткен спортшылар да Өзбекстан Жиу житсу федерациясы тǝрепинен номинациялар менен сыйлықланды.
Атап айтатуғын болсақ, республикамыздың сайланды команда ағзаларынан Асия Хайбулла, Айсулыў Асаматдинова ҳǝм Гулнур Муратбаевалар «Жыл спортшысы» номинациясы менен сыйлықланды.
Жарыс жуўмағы бойынша А.Кадамов, Х.Хашимов, Т.Базарбаев, У.Сайимбетова ҳǝм Ш.Азатовалар Өзбекстан сайланды командасы қурамына қабыл етилди.
Сондай-ақ, спорттың Жиу-житсу түринен 2023-жыл даўамында қарақалпақстанлы спортшылар халық аралық ареналарда 6 алтын, 3 гүмис, 4 қола медальларын жеңип алыўға еристи.
Адилбай Оразов,
Қарақалпақстан хабар агентлиги шолыўшысы