Жаслардың бос ўақытларын мазмунлы өткериў мақсетинде, Жаслар ислери агентлигиниң Хожели районлық бөлими тәрепинен «Мен пахта қырманына өз үлесимди қосаман!» сүрени астында аймақ жаслары арасында пахта териў жарысы болып өтти.
Онда қызлар арасында, бир күнде 144 кг пахта терген Қаншайым Абатова биринши, 110 кг пахта терген Сәрбиназ Қыдырбаева екинши ҳәм 107 кг пахта терген Қундыз Өтемисова үшинши орынларды ийеледи.
Ал, жигитлер арасында болса, 126 кг пахта терген Жолдас Ешмуратов биринши, 117 кгнан пахта терген Ерлан Амангелдиев ҳәм Қуўанышбай Ешмуратовлар екинши ҳәм үшинши орынларды ийелеўге миясар болды ҳәм шөлкемлестириўшилер тәрепинен баҳалы саўғалар менен сыйлықланды.
Адилбай Оразов,
Қарақалпақстан хабар агентлиги