Көп миллетли халқымыздың турмысындағы әҳмийетли сәне – мәмлекет ғәрезсизлигиниң 32 жыллығы мүнәсибети менен Өзбекстан Республикасы Президенти Шавкат Мирзиёевтиң атына сырт мәмлекетлер ҳәм ҳүкиметлер, абырайлы халықаралық ҳәм регионаллық шөлкемлердиң басшылары, белгили сиясий, жәмийетлик ҳәм дин ғайраткерлеринен қутлықлаўлар келмекте.
Сырт елли бирге ислесиўшилер өзиниң қутлықлаўларында кейинги жылларда демократиялық жаңаланыўлар ҳәм миллий раўажланыў жолындағы социаллық-экономикалық реформалар бағдарламасын әмелге асырыўда, мәмлекетимиздиң халықаралық майдандағы орны ҳәм абырайын арттырыўда ерисилген үлкен табысларын айрықша атап өткен.
Атап өтилгениндей, жақында болып өткен әҳмийетли сиясий ўақыя – жаңаланған Конституцияның қабыл етилгени халқымыз Жаңа Өзбекстанды қурыўға қаратылған артқа қайтпайтуғын реформаларды сөзсиз қоллап-қуўатлап атырғанынан дәрек береди.
Қутлықлаўларда мәмлекетимиз басшысына жаңа табыслар ҳәм Өзбекстан халқына тынышлық, абаданлық ҳәм раўажланыў тилеклери билдирилген.
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Президент Мырза!
Ғәрезсизлик күни мүнәсибети менен Сизге ҳәм Өзбекстан Республикасы халқына ең қызғын қутлықлаўларымды қабыл еткейсиз.
Өткен жылларда мәмлекетлеримиз дослық қатнасықлар ҳәм бирге ислесиўди жолға қойды. Олар және де раўажланыўға, халықларымыз арасындағы алмасыўлар ҳәм дослық беккемленетуғынына үмит етемен.
Шын жүректен Сизге беккем денсаўлық ҳәм бахыт-ығбал, Өзбекстан Республикасына болса үзликсиз раўажланыў тилеймен.
Ҳүрмет пенен,
Юн Сок ЁЛЬ,
Корея Республикасы Президенти
* * *
Өзбекстан Республикасы Президенти
Уллы Мәртебели Мырза Шавкат Мирзиёевқа
Ғәрезсизлик күни мүнәсибети менен Сиз, Президент мырзаға ҳәм дос Өзбекстан халқына абаданлық ҳәм раўажланыў тилеймен.
Өзбекстан ҳәм Италияны беккем дослық байланыслары байланыстырып турады. Бул дослық Сизиң жақындағы Италияға сапарыңыз даўамында стратегиялық шериклик орнатылыўында өзиниң әмелий көринисин тапты.
Ташкент ҳәм Рим сиясий, экономикалық ҳәм мәдений тараўлардағы, соның ишинде, Европа Аўқамы менен қатнасықлар шеңбериндеги бирге ислесиўди буннан былай да беккемлеў мәмлекетлеримизге пайда келтиретуғынына исенимим кәмил.
Тынышлық ҳәм турақлылықты тәмийинлеў қуралы сыпатында мәмлекетлеримиз өз-ара сөйлесиў ҳәм түсинисиўге қаратып атырған итибар бүгинги шараятларда және де үлкен әҳмийетке ийе болмақта.
Пурсаттан пайдаланып, Италия Республикасы ҳәм жеке өзимниң атымнан Сиз ҳәм барлық ўатанласларыңызды қызғын қутлықлайман.
Сержо МАТАРЕЛЛА,
Италия Республикасы Президенти
* * *
Өзбекстан Республикасы Президенти
Уллы Мәртебели Мырза Шавкат Мирзиёевқа
Уллы Мәртебели Мырза,
Өзбекстан Республикасының Ғәрезсизлик күни мүнәсибети менен қызғын қутлықлаўларымды жоллаўдан қуўанышлыман.
Пакистан Өзбекстанның ғәрезсизлигин бириншилерден болып тән алған мәмлекет сыпатында түрли тараўларда еки тәреплеме бирге ислесиў байланысларын беккемлеўге үлкен әҳмийет қаратады.
Кейинги жылларда өз-ара ҳәрекетлер нәтийжесинде Пакистан ҳәм Өзбекстан арасындағы нәтийжели мәмлекетлераралық бирге ислесиў барлық тараўларда улыўма мәплер жолында избе-из раўажланып атырғаны қуўанышлы болып есапланады.
Биз туўысқан халықларымыздың абаданлығы, регионымызда тынышлық, турақлылық ҳәм дөретиўшилик бирге ислесиўди тәмийинлеў жолында мәмлекетлеримиз арасындағы стратегиялық шерикликти ҳәр тәреплеме беккемлеўде даўам етемиз.
Пакистан халқы атынан Сиз Уллы Мәртебели Мырзаға беккем денсаўлық, бахыт-ығбал ҳәм абаданлық, дос Өзбекстан халқына болса мәңги тынышлық ҳәм раўажланыў тилеп қаламан.
Уллы Мәртебели Мырза, Сизге болған жоқары ҳүрметимди қабыл еткейсиз.
Ориф АЛВИЙ,
Пакистан Ислам Республикасы Президенти
* * *
Өзбекстан Республикасы Президенти
Уллы Мәртебели Мырза Шавкат Мирзиёевқа
Мәмлекетиңиз Ғәрезсизлиги күни мүнәсибети менен Сизге ҳәм халқыңызға Қатар Мәмлекети атынан ҳәм жеке өзимниң атымнан қызғын қутлықлаўларымды ҳәм жақсы тилеклеримди жоллаўдан қуўанышлыман.
Сиз, Уллы Мәртебели Мырзаға, беккем денсаўлық ҳәм бахыт-ығбал ҳәм Өзбекстан халқына абаданлық ҳәм турақлы раўажланыў, сондай-ақ, келешекте мәмлекетлеримиз арасындағы дослық қатнасықлар және де беккемленип барыўын тилеп қаламан.
Ҳүрмет пенен,
Шайх Тамим бин Ҳамад Ол СОНИЙ,
Қатар Мәмлекетиниң Әмири
* * *
Өзбекстан Республикасы Президенти
Уллы Мәртебели Мырза Шавкат Мирзиёевқа
Уллы Мәртебели Мырза!
Мәмлекетиңиз Ғәрезсизлиги күни мүнәсибети менен Сизге ҳәм Өзбекстан Республикасының пүткил халқына ең қызғын қутлықлаўларымды билдириўге рухсат бериң.
Дүньямыз дус келип атырған қәўип-қәтерлер кәмбағаллық ҳәм теңсизликтен баслап қарама-қарсылықлар ҳәм климаттың өзгериўине шекем – тилеклеслик, өз-ара ҳүрмет ҳәм түсинисиўге тийкарланған топарлық ҳәрекетлерди талап етпекте.
Абат келешекке ерисиў ушын ҳәр бир мәмлекет өз миллий шегаралары менен шекленип қалмастан, тынышлық, инсан ҳуқықлары, қай жерде жасап атырғанына қарамастан барлық инсанлар ушын раўажланыў ҳәм турақлы раўажланыўды алға қойыў бағдарындағы ҳәрекетлерди қоллап-қуўатлаўы зәрүр.
Бирлескен Миллетлер Шөлкеми бул әҳмийетли сәнени белгилеп атырған Өзбекстан Республикасы халқының қуўанышына шерик болып, ҳәм адамзат, ҳәм планетамыздың және де абат, және де саламат ҳәм қәўипсиз келешегин тәмийинлеў бойынша биргеликтеги жумысларымыздың даўам ететуғынына үмит етеди.
Уллы Мәртебели Мырза, Сизге болған жоқары ҳүрметимди қабыл етиң.
Антониу ГУТТЕРИШ,
Бирлескен Миллетлер Шөлкеминиң Бас хаткери
* * *
Өзбекстан Республикасы Президенти
Уллы Мәртебели Мырза Шавкат Мирзиёевқа
Уллы Мәртебели Мырза,
Сизди Өзбекстан Республикасының 32 жыллығы менен қызғын қутлықлаўға рухсат бергейсиз!
Өзбекстан суверен раўажланыў жылларында өзин қурыў, социаллық-экономикалық ҳәм мәмлекетшиликтиң турмыслық әҳмийетли тармақларын раўажландырыў бойынша үлкен жолды басып өтти. Сизиң узақты гөзлеген сиясатыңыз ҳәм системалы реформаларыңыз себепли нызам үстинлиги беккемленбекте, халықтың турмыс дәрежеси артпақта ҳәм халықаралық бирге ислесиў көлеми кеңеймекте.
Жаңа Өзбекстанның заманагөй раўажланыў модели мәмлекет ҳәм жәмийетти раўажландырыўдың фундаментал тийкарларын ҳәр тәреплеме беккемлеў, терең ойланған ишки сиясат ҳәм прагматикалық регионаллық сиясатты жүргизиўге айқын мысал болып есапланады.
Өзбекстанның ШБШ процесиндеги қатнасыўы бирге ислесиў мазмунын байытпақта ҳәм ШБШның халықаралық абырайын арттырмақта.
Өзбекстанның басламалары себепли кейинги жылларда Шанхай бирге ислесиў шөлкеми шеңберинде көп тәреплемели бирге ислесиў барлық бағдарларда тереңлесип бармақта.
Усы мүнәсибет пенен Сизге Шөлкем ҳәм ШБШ Секретариатының жумысына итибарыңыз ҳәм жәрдемиңиз ушын терең миннетдаршылық билдиремен.
Пурсаттан пайдаланып, Сизге ҳүрметли Шавкат Миромонович, беккем денсаўлық, абаданлық ҳәм Өзбекстан Республикасының раўажланыў жолындағы жумысыңызға үлкен табыслар тилеймен.
Терең ҳүрмет пенен,
Чжан МИН,
Шанхай бирге ислесиў шөлкеминиң бас хаткери
Төмендегилер де өз қутлықлаўларын жоллаған:
Латвия Республикасы Президенти Эдгарс Ринкевичс,
Уллы Британия ҳәм Арқа Ирландия Бирлескен Патшалығының Патшасы Чарльз 888,
Швеция Патшасы Карл Густаф,
Молдова Республикасы Президенти Майя Санду,
Шри-Ланка Демократиялық Социалистлик Республикасы Президенти Ранил Викрамасингхе,
Мальдив Республикасы Президенти Иброҳим Муҳаммад Солиҳ,
Мьянма Аўқамы Республикасы Мәмлекетлик басқарыў кеңесиниң баслығы Мин Аун Хлайн,
Азия инфраструктуралық инвестициялар банкиниң президенти Цзинь Лицюнь,
Билимлендириў, илим ҳәм мәденият мәселелери бойынша Ислам шөлкеми (ISESCO) бас директоры Салим ал-Малик,
Жипек жолы фондының баслығы Чжу Цзюнь,
Өзбекстан – Германия исбилерменлер кеңесиниң атқарыўшы директоры Фальк Порше.
Қутлықлаўлардың келиўи даўам етпекте.