Усы жылдың 1-май сәнесинде Қарақалпақстан Республикасы Министрлер Кеңеси Баслығының орынбасары М.Жуманов ҳәм Шымбай районы ҳәкими П.Ещановлар райондағы «Кеңес» ҳәм «Қамысарық» аўыл пуқаралар жыйынларында жасаўшы Төренияз ата Абутов ҳәм Салый ата Ганиевлердиң шаңарақларына барып, байрам менен қызғын қутлықлады ҳәм Өзбекстан Республикасы Президенти Ш.Мирзиёевтиң пәрманына муўапық 5 млн сум ҳәм Швейцария мәмлекетинде ислеп шығарылған қымбат баҳалы қол саатын, район ҳәкимлиги ҳәм қәўендер мәкеме-шөлкемлер тәрепинен заманагөй газ плитасы, кондиционер, кир жуўыў машинасын саўға етти. Бул ҳаққында район ҳәкимлигиниң рәсмий веб-сайты хабар бермекте.
Өз гезегинде, урыс ветеранлары көрсетилип атырған бундай ғамқорлықлар ушын елимиз басшыларына өз миннетдаршылығын билдирди.
Қарақалпақстан хабар агентлиги