Әмиўдәрья районындағы «Беруний» мәкан пуқаралар жыйынында Өзбекстан Халық демократиялық партиясы районлық Кеңеси тәрепинен «Социаллық жәрдем – раўажланыўға қарай жол ашыўы керек» атамасында акция шөлкемлестирилди. Бул ҳаққында Amunews.uz сайты хабар бермекте.
Акцияны өткериўден тийкарғы мақсет, ҳаял-қызлардың жәмийетлик-сиясий белсендилиги, ҳуқықый, медициналық мәдениятын арттырыўға жәрдемлесиўден ибарат. Сондай-ақ, жәмийетлик бирге ислесиўшилер менен биргеликте шетки аймақлардағы социаллық жәрдемге мүтәж болған аналар ҳәм балалар ушын медициналық көриклерди өткериў арқалы саламат турмыс тәризин үгит-нәсиятлаў болып табылады.
Акция шеңберинде «Беруний» МПЖдағы медициналық мәкемеде социаллық қорғаўға мүтәж болған аналар ҳәм балалар ушын медициналық көрик шөлкемлестирилди.
Қарақалпақстан хабар агентлиги