Аўыл хожалығы хызметкерлери күни – “Зүрәәт байрамы” мунәсибети менен аграр тармақ мийнеткешлериниң мәмлекетимизде азық-аўқат қәўипсизлигин тәмийинлеўдеги мийнетин мүнәсип қәдирлеў ҳәм баҳалаў, руўхый ҳәм материаллық жақтан хошаметлеў мақсетинде 2022-жыл 11-декабрь күни Ташкент қаласында Экспоорайда байрам илажы өткериледи.
Илаж даўамында аўыл хожалығы өнимлери көргезбе-ярмаркалары, руўхый-ағартыўшылық ҳәм материаллық, қайырқомлық илажлары, ғалабалық спорт түрлери бойынша жарыслар, таңлаўлар шөлкемлестирилип атыр.
Соның менен бирге, илажда аўыл хожалығында әмелге асырылып атырған реформалар бойынша түрли темаларда сәўбетлер, тренинглер ҳәм тараў ўәкиллериниң ушырасыўлары болып өтеди.
Қарақалпақстан хабар агентлиги