Өзбекстан Республикасының халық аралық резервлери усы жылдың 1 ноябрь жағдайына бола, 32 млрд 315, 5 млн долларды қурады. Бул өткен айға салыстырғанда 1 млрд 180, 6 млн долларға аз. Бул ҳаққында Орайлық банк хабар берди.
Резервлер қурамындағы алтынның физикалық қалдығы 12, 8 млн трой унсияны қурамақта ҳәм бул өткендегиге салыстырғанда 0, 3 млн трой унсияға көп. Оның финанслық көлеми 20 млрд 977 млн доллардан 21 млрд 6, 4 млн долларға жеткен. Сырт ел валютасындағы резерв активлер (еркин конвертацияланатуғын сырт ел валюталарда ) 11 млрд 502, 3 млн доллардан 10 млрд 289, 7 млн долларға азайған.
Халықаралық резервлер сырт ел валюта қаржылары, арнаўлы қарыз алыў ҳуқықы, халық аралық валюта фондындағы резерв позициясы ҳәм алтыннан ибарат. Сырт ел валютасы, тийкарынан, банклерде сақланатуғын нақ пулларды өз ишине алады.
Мағлыўмат ушын, Өзбекстан Республикасының жалпы халық аралық резервлери 2022 – жыл басынан 2, 82 млрд. долларға ямаса 8, 04 % ке азайды. Онда алтын баҳасының жыл басындағы 1799, 25 доллардан 1638, 85 долларға шекем төменлеўиниң тәсири 2, 06 млрд. долларды қурады.
Муслатдинова Фарида,
ҚМУ дың интернет журналистика тәлим бағдары студенти
Қарақалпақстан хабар агентлиги