Өзбекстан Республикасы Президенти Шавкат Мирзиёевтиң мирәт етиўине бола Россия Федерациясы Президенти Владимир Путин 15-16-сентябрь күнлери Шанхай бирге ислесиў шөлкеминиң Самарқанд қаласындағы саммити шеңберинде сапар менен мәмлекетимизде болады.
Өзбекстан ҳәм Россия жетекшилериниң сөйлесиўлери күн тәртибинен стратегиялық шериклик ҳәм аўқамласлық қатнасықларын және де беккемлеў, саўда-экономикалық, инвестициялық ҳәм мәдений-гуманитарлық бирге ислесиўди кеңейтиў мәселелери орын алған.
Айрықша итибар санаат кооперациясын кеңейтиў, аймақлар ҳәм исбилерменлер арасындағы байланысларды жеделлестириў, биргеликтеги экономикалық жойбарлар ҳәм гуманитарлық бағдарламаларды алға қойыўға қаратылады.
Соның менен бир қатарда, мәмлекет басшылары халықаралық ҳәм регионаллық әҳмийетке ийе әҳмийетли мәселелер бойынша пикир алысады.
Президент Владимир Путин, сондай-ақ, ШБШ мәмлекет басшылары кеңесиниң гезектеги мәжилиси илажларында қатнасады.
ӨзА