Ҳәзирги күнде шет тилин билиў дәрежесин анықлаў, маманлық сертификаты ямаса мағлыўмат алыў ушын тест сынағында қатнасыў бойынша мүрәжатлар my.gov.uz (БИМХП) арқалы электрон тәризде қабыл етилмекте.

Сондай-ақ, Халықаралық IT-сертификатларын алыў ушын да Бирден-бир портал арқалы онлайн арза жибериў мүмкин.

Онда шет тилин билиў бойынша сертификат (IELTS, TOEFL ҳәм басқалар) уйымларға жиберилген қәрежетлердиң 100 проценти, IT-сертификат ҳәм оқыў қәрежетлериниң болса 50 проценти қаплап бериледи.

Буннан былай бул имканиятлар қатарына тест сынақларында шет тили пәни болған бакалавриат бағдарларына ҳүжжет тапсырған ҳәм миллий ямаса халықаралық сертификаттың төмендеги дәрежелерине ийе болған абитуриентлерге усы пәннен имтиханларсыз максимал балл берилетуғыны да қосылды

Толық дизим менен танысың:

инглис тили ушын – миллий сертификат ямаса International English Language Testing System (IELTS 5,5 балл), Test of English as a Foreign Language (TOEFL IBT 72), Cambridge Assessment English FCE, Cambridge Assessment English Linguaskill халықаралық имтихан системалары бойынша тилди билиў дәрежелери В2 ҳәм оннан жоқары;

япон тили ушын – миллий сертификат ямаса Japanese Language Proficiency Test (JLPT № 2) халықаралық имтихан системалары бойынша тилди билиў дәрежелери В2 ҳәм оннан жоқары;

немис тили ушын – миллий сертификат ямаса Goethe-Zertifikat, Deutsches Sprachdiplom (DSD), Test Deutsch als Fremdsprache (Test DAF) халықаралық имтихан системалары бойынша тилди билиў дәрежелери В2 ҳәм оннан жоқары;

француз тили ушын – миллий сертификат ямаса Diplôme d’Etudes en Langue Française (DELF), Test de Connaissance du Française (TCF4) халықаралық имтихан системалары бойынша тилди билиў дәрежелери В2 ҳәм оннан жоқары;

басқа тиллер ушын – миллий сертификат ямаса халықаралық имтихан системалары бойынша тилди билиў дәрежелери В2 ҳәм оннан жоқары.

Қарақалпақстан хабар агентлиги