Иорданияныӊ Амман қаласында 2-15- март күнлери бокс бойынша жас өспиримлер ҳәм жаслар арасында Азия чемпионаты болып өтти.
Қызғын беллесиўлерге бай болған чемпионат жуўмағында Өзбекстан сайланды командасы 23 медал менен биринши, 22 медал менен Қазақстан екинши, Ҳиндстан 18 медал менен үшинши орынды ийелеўге миясар болды.
Атап айтқанда, Өзбекстан сайланды командасы ағзаларынан -51 кг салмақта Хўжаназар Нортожиев, -54 кг да Абдували Бўрибоев, -57 кг да Бахтиёр Асадов, -67 кг да Фазлиддин Эркинбоев, -75 кг да Раҳматулло Бойматов, -80 кг да Абдулазиз Абдураҳмонов, -92 кг да Айназар Кеӊесбаевлар алтын, -63,5 кг да Жавоҳир Умматалиев, -71 кг да Алишер Аюбов, -86 кг да Жамолиддин Қазақовлар гүмис, -48 кг да Миралижон Мавлонов, -60 кг да Суҳроб Аминовлар қола, қызлар арасында -70 кг да Азиза Зокирова, +81 кг да Саҳобат Ҳусановалар алтын, -48 кг да Саидахон Раҳмонова, -50 кг да Робияхон Бахтиёрова, -52 кг да Мунаввар Фозилова, -54 кг да Раъно Муратбаева, -60 кг да Мухлиса Тоҳирова, -63 кг да Ситора Баҳодирова, -81 кг да Олтиной Сотимбоевалар гүмис, -57 кг да Руҳшона Ўктамова, -66 кг да Феруза Алижоновалар қола медалларын қолға киргизип, улыўма командалық есапта 1-орынды ийелеўине өзлериниӊ салмақлы үлеслерин қосты.
Адилбай Оразов,
Қарақалпақстан хабар агентлиги шолыўшысы