Өзбекстан шахмат Федерациясының бизге берген мағлыўматларына қарағанда, «Маршалл» шахмат клубы 1915-жылы гроссмейстер Маршалл тәрепинен шөлкемлестирилген болып, 1916-жылдан берли «Маршалл» чемпионаты өткерилмекте.
Усы жыл 14-18-ноябрь күнлери АҚШтың Нью-Йорк қаласында «Маршалл» шахмат клубында гезектеги 103-Маршалл чемпионаты өткерилди.
Турнирде 10 шахматшы қатнасты. 40 жүриске 90 минут ажыратылып, ҳәр бир жүриске 30 секунд қосымша ўақыт берилди.
Усы турнирде Өзбекстанның атынан Жўрабек Ҳамрақулов қатнасып, Маршалл чемпионатының 103-чемпионына айланды.
Ә.Жиемуратов,
Қарақалпақстан хабар агентлиги.