«Ўзтемирйўлйўловчи» АЖның хабар бериўинше, «Ташкент-Әндижан», «Ташкент-Үргениш-Хийўа», «Ташкент-Қоңырат», «Ташкент-Термиз» ҳәм «Ташкент-Бухара» жөнелислеринде қатнайтуғын жолаўшы поездларының ҳәрекетлениў қәўипсизлигин тәмийинлеў мақсетинде поездлардың тезлигине шеклеў белгиленди. Буған себеп республика бойлап бақланып атырған аномал ыссылық болып есапланады.
Жоқарыдағыларды есапқа ала отырып, «Ўзтемирйўлйўловчи» АЖ тәрепинен жолаўшыларға қосымша қолайлық жаратыў мақсетинде усы поездларда бийпул минерал суўлар тарқатыў жолға қойылған.
«Ўзтемирйўлйўловчи» АЖ өз қарыйдарларына билдирилген исеним ушын миннетдаршылық билдирген ҳәм жүзеге келген өзгерислер ушын кеширим сораған.
Ислам Матеков,
Қарақалпақстан хабар агентлиги.