Өзбекстан Республикасы Президенти Шавкат Мирзиёев Ҳиндстанға сапар етеди. Бул ҳаққында Өзбекстан сыртқы ислер министриниң биринши орынбасары Илҳом Неъматов Халықаралық пресс клубтың гезектеги жыйналысында мәлим етти, деп хабар берди Kun.uz.

Неъматовтың мәлим етиўинше, Өзбекстан Президенти Ҳиндстанның Гужарат штатына барады. Сапар бир ҳәптеден соң – шама менен 17-18-январь күнлери болып өтеди.

Атап өтилиўинше, Гужарат штатында исбилерменлик саммити ҳәм көргизбе шөлкемлестириледи. Көргизбе фармацевтикалық өнимлер ҳәм жеңил санаат тараўына бағышланған болады.

Жыйналыста мәлим етилиўинше, Өзбекстан көргизбесине шама менен 4 мыңға шамалас адам барыўы күтилмекте.

Еслетип өтемиз, Шавкат Мирзиёев 30-сентябрь – 1-октябрь күнлери Ҳиндстанға сапар еткен еди. Сапар даўамында Өзбекстан Президенти Ҳиндстан басшылары менен ушырасыўлар өткерди.

Мағлыўмат ушын, Өзбекстан Президенти усы жылдың 20-22-январь күнлери Германия Федеративлик Республикасына сапар етиўи жобаластырылған.

Қарақалпақстан хабар агентлиги