Гуманитарлық жәрдем қурамынан 48 тонна ун, 48 тонна бийдай, 15 мың литр өсимлик майы, 10 мың дана консерваланған гөш, 24 тонна қумшекер ҳәм 22 тонна макарон өнимлери ҳәм 100 мың дана тез таярланатуғын қадақланған лағман пакетлери орын алған.
Бүгин, 25-апрель күни Сурхандәрья ўәлаятының ҳәкими Улуғбек Қосимов басшылығындағы делегация Өзбекстан халқы атынан дос аўған халқына гезектеги гуманитарлық жәрдемин жеткериў мақсетинде Аўғанстанның Балх ўәлаятына жөнеп кетти.
Жәми 8 жүк машинасына тийелген гуманитарлық жәрдем қурамынан 48 тонна ун, 48 тонна бийдай, 15 мың литр өсимлик майы, 10 мың дана консерваланған гөш, 24 тонна қумшекер ҳәм 22 тонна макарон өнимлери ҳәм 100 мың дана тез таярланатуғын қадақланған лағман пакетлери орын алған.
Усы мүнәсибет пенен бүгин Хайратонда еки мәмлекет рәсмийлериниң қатнасыўында гуманитарлық жәрдемди тапсырыў мәресими болып өтеди.
Қарақалпақстан хабар агентлиги