Быйылғы жыл республикамыздағы кәсип өнер колледжлерин Нөкис қаласында 20, районларда 77 колледжден жәми 24 178 оқыўшы питкерип шықты.
Бул ҳаққында Қарақалпақстан Республикасы Министрлер Кеңеси, Орта арнаўлы кәсиплик билимлендириў басқармасы хабар бермекте.
Алынған мағлыўматқа қарағанда, Қарақалпақ мәмлекетлик университети жанындағы академиялық лицейди 509, Нөкис мәмлекетлик педагогиклық институты жанындағы академиялық лицейди 357, Нөкис мәмлекетлик педагогиклық институты жанындағы 2-санлы академиялық лицейди 185, Қарақалпақ мәмлекетлик университети жанындағы 3-санлы академиялық лицейди 168, Ташкент педиатрия медицина институты Нөкис филиалы жанындағы академиялық лицейди 152, Қаракалпақ мәмлекетлик университети жанындағы Елликқала академиялық лицейди 367, Нөкис мәмлекетлик педагогикалық институты жанындағы 3-санлы Әмиўдәрья академиялық лицейди 227, Нөкис мәмлекетлик педагогикалық институты қасындағы 4-санлы Шымбай академиялық лицейди 136, Ташкент мәмлекетлик аграр университети Нөкис филиалы жанындағы Төрткүл академиялық лицейин 267, жәми 2368 оқыўшы питкерген болса, соннан 1348 ин қыз балалар қурайды.
Бул оқыў дәргайларының питкериўшилерине қәнигелиги бойынша дипломлар тапсырылмақта.
Т.СЕЙТНАЗАРОВА,
Қарақалпақстан хабар агентлигиниң хабаршысы