Бүгин азанда Беруний районы «Тынышлық» АПЖ турғыны Равшан Яхшимурадов Ташкентке пияда жол алды. Оны аймақ турғынлары салтанатлы түрде шығарып салды ҳәм ҳақ жол тиледи.
Ташкент қаласына шекем пияда жүриў тилегин билдирген жерлесимиз усы ўақытқа шекем бул илажға пуқта таярлық көрди.
Еслетип өтемиз, Р.Яхшимурадов 5-февраль күни Өзбекстан Республикасы Президентиниң виртуал қабыллаўханасына мүрәжат етип, Биринши Президентимиз Ислам Әбдиғаниевич Кәримовтың естелигине бағышлап Ташкент қаласына шекем пияда жол басыў нийетинде екенлигин билдирип, бул мәселени ғалаба хабар қуралларында кең сәўлелениўин соранған еди.
Мөлдир Игиликова,
Қарақалпақстан хабар агентлигиниң хабаршысы