Өзбекстан мәмлекетлик көркем өнер ҳәм мәденият институты және усы институттың Нөкис ҳәм де Ферғана аймақлық филиалларының басламасы менен бир топар қолы ашық инсанлардың қатнасыўында Қоқандтан 15 миллион сумлық мийўе ҳәм саяманлы терек нәллери Нөкиске жиберилди. Бул ҳаққында ӨзА хабар бермекте.
Мағлыўматларға қарағанда, Нөкисте Өзбекстан мәмлекетлик көркем өнер ҳәм мәденият институты Нөкис филиалы жәмәәти 3 гектар жерди таярлап қойған.
— Биз Мойнаққа да барып, терек нәллерин егип, тәжирийбе өткериў нийетиндемиз. Ол жерге барған ишки ҳәм сыртқы туристлер егилген нәллерге суў қуйып, соңынан саяхатын даўам еттиреди, – дейди филология илимлериниң кандидаты, доцент Рашид Шукуров.
Қарақалпақстан хабар агентлиги.