АҚШ пойтахти Вашингтонда комендантлик соати жорий этилди.

Бу ҳақда шаҳар мэри Мюриэл Баузер эълон қилган. Аввалроқ сайлов натижаларидан норози бўлган намойишчилар натижалар расман тасдиқланиши керак бўлган фурсатларга яқин вақтда Конгресс биносига бостириб киришган.

Полиция Капитолий тепалигини намойишчилардан тозалашга муваффақ бўлган. Намойишчиларнинг бири ҳалок бўлгани айтилмоқда.

Намойишлар пайтида бинода бўлган вице-президент Майк Пенс ва вакиллар палатаси спикери Нэнси Пелоси Вашингтондаги ҳарбий базага эвакуация қилинган.

АҚШ президенти Дональд Трамп ўз тарафдорларига қилган мурожаатида намойишчиларни парламент биносини тарк этишга чақирди.

Трампнинг сайловдаги рақиби Жозеф Байден Капитолий тепалигида содир бўлган ҳодисани “исён” деб атади.

АҚШ Конгресси Трамп импичментига нисбатан янги жараённинг бошланиши режалаштирилаётганини маълум қилди.