Хабарингиз бор, Ташқи меҳнат миграцияси агентлиги пандемия сабабли чет элга ишга кетолмаган фуқароларни турли хорижий давлатларга ишга жалб қилиш бўйича амалий чоралар кўрмоқда.
Икки кун давомида Россиянинг “ЭНКА ИНШААТ ВЕ САНАЙИ АНОНИМ ШИРКЕТИ” қурилиш компаниясида вақтинча меҳнат фаолиятини амалга ошириш учун Тошкент-Санкт-Петербург ҳамда Тошкент-Қозон йўналиши бўйича 187 нафар фуқаролар чартер рейс орқали жўнаб кетди.
Уларнинг транспорт, овқатланиш, патент ва яшаш харажатлари, агарда касал бўлса, даволаниши иш берувчи компаниялар ҳисобидан бўлади. Шунингдек, ойлик иш ҳақи ўртача 40-50 минг рублни ташкил этиши белгиланган.
Юртдошларимиз белгиланган эпидемиологик талаблар ва карантин чекловларига риоя қилган ҳолда қурилиш объектларида иш бошлайди.
ЎзА