Бугундан эътиборан барча мактабгача таълим ташкилотлари карантин мақсадида ёпилади. Мактабгача таълим вазирлиги МТТлар ёпилган кунлар учун тўлов қайта ҳисоб-китоб қилинишини назорат қилади.
Сизлардан ваҳимага тушмасликни илтимос қилиб қоламиз. Ушбу чоралар мутлақо профилактик моҳиятга эга ва аҳоли соғлиғини таъминлашга қаратилган.
Қуйидаги эҳтиёт чораларига қатъий риоя қилишни тавсия қиламиз:
– одамлар кўп тўпланадиган жойларга бормаслик ёки имкон қадар камайтириш (оммавий тадбирлар, бозорлар, савдо-кўнгилочар марказлар);
– ниқоблар тақиш;
– грипп ёки шамолллаш аломатлари мавжуд бўлган инсонлар билан муомала қилмаслик;
– уйга қайтганингизда ва жамоат жойларида, транспортларда ҳар қандай юза қисмларни ушлаганда қўлингизни совун билан яхшилаб ювинг ёки бактерияларга қарши ва антисептик воситалардан фойдаланинг;
– қўл бериб кўришиш, қучоқлашиш ва шунга ўхшаш одатларни тарк этинг;
– гаджетлар ва оргтехникаларни доимий равишда дезинфекцияланг;
– фақат ўз шахсий гигиена воситангиздан фойдаланинг.
Мактабгача таълим вазирлиги Матбуот хизмати
ЎзА