Шу муносабат билан ташкил этилган тадбирда тизим ходимлари, янги уй соҳибларининг яқинлари, жамоатчилик вакиллари, ёшлар иштирок этди.

Миллий гвардияга жисмоний чиниққан, билимли ва дунёқараши кенг кадрлар танлаб олинаётгани, уларни ижтимоий қўллаб-қувватлаш масаласига алоҳида эътибор қаратилиб, соҳа моддий-техник базаси мустаҳкамланаётгани юксак самаралар бермоқда.

– Миллий гвардия ходимлари ҳуқуқ-тартибот идоралари билан ҳамкорликда “Хавфсиз шаҳар”, “Хавфсиз туризм” лойиҳаларини амалга ошириш, ҳуқуқбузарликларнинг олдини олиш, халқимиз осойишталигини таъминлаш каби эзгу ишларга муносиб ҳисса қўшмоқда, – дейди Ўзбекистон Республикаси Миллий гвардияси қўмондони ўринбосари Ш.Шокиров. – Нукус шаҳрида қурилган кўп қаватли янги уйдан 30 та хонадон ходимларимизга топширилиши уларнинг оиласидан хотиржам ҳолда янада масъулият билан хизмат қилишида муҳим аҳамият касб этади.

Янги уй қурилишига 4 миллиард 389 миллион сўм йўналтирилган. Миллий гвардия ходимлари учун қурилган хонадонларнинг 1 миллиард сўмдан ортиғи, яъни 25 фоиз миқдоридаги бошланғич тўлови Ўзбекистон Республикаси Миллий гвардияси томонидан тўлаб берилган. Қолган қисми уй-жой эгаси томонидан имтиёзли кредит ҳисобидан 15 йил давомида тўлаб борилади. Миллий гвардия ходимлари учун 30 хонадонли яна бир кўп қаватли уй қурилиши режалаштирилган.