Германия ва Франция ўзаро келишувлардан кейин замонавий танк яратиш бўйича қўшма лойиҳани амалга ошириш мақсадида аниқ чораларни кўришга киришди. Тахминларга кўра, янги танклар 2040 йилдан бошлаб ишлаб чиқарила бошлайди, дея маълум қилди Франция ва Германия мудофаа вазирлари Себастьян Лекорню ҳамда Борис Писториус душанба куни уюштирган қўшма матбуот анжуманида.
Phoenix телеканали намойиш қилиб борган матбуот анжуманида вазирлар дастурнинг тезкор босқичига киришилгани ҳақида гапирган.
Германия мудофаа вазири Писториуснинг таъкидлашича, сентябргача икки томон ҳам лойиҳа бўйича асосий ҳужжатни имзолайди. Дастлабки натижалар 2035 йилда намойиш қилинади.
Вазирларнинг таъкидлашича, бу ерда гап Leclerc ёки Leopard танкларининг янги авлоди ҳақида кетаётгани йўқ, аксинча, келажак танкида ўта замонавий технологиялар қўлланилади.