Статистика агентлигининг маълум қилишича, Ўзбекистонга 2023 йилнинг 5 ойида 10 та хорижий давлатдан электромобиль импорт қилинган.

Электромобиллар импорти ўтган йилнинг мос даври билан солиштирилганда 2846 тага ёки қарийб 4 баробарга ошган.

Ўзбекистон 2023 йилнинг январь-май ойларида энг кўп Хитойдан электромобиль импорт қилган.

Энг кўп электромобиль импорт қилинган давлатлар:

— Хитой – 3 480 та

— Гонконг – 256 та

— Германия – 42 та

— БАА – 16 та

— Корея – 11 та

— АҚШ – 6 та

Маълумот ўрнида айтиш жоиз, Ўзбекистон 2022 йилда хориждан қиймати 69,8 миллион AҚШ долларига тенг бўлган 2 минг 180 дона электромобиль импорт қилган.

Ш.Маматуропова,  ЎзА