Тошкент шаҳри, Амир Темур кўчаси, 109 уй манзили бўйича жойлашган (электрон почта манзили: farovonsugurta@mail.ru, веб-сайт: www.farovonsugurta.uz) «FAROVON SUGʼURTA» Акциядорлик жамияти 2023 йил «16» январь соат 12:00да Тошкент шаҳри, Амир Темур кўчаси, 109 уй манзилда акциядорларнинг навбатдан ташқари умумий йиғилиши ўтказилишини маълум қилади.
Акциядорларни рўйхатга олиш йиғилиш бўлиб ўтадиган манзилда 2023 йил «16» январь куни соат 11:30 да бошланади.
Йиғилишда иштирок этиш учун акциядор ва унинг вакили шахсни тасдиқловчи ҳужжат (паспорт ёки ID-карта), шунингдек акциядорнинг вакили ўрнатилган тартибда расмийлаштирилган ишончномага эга бўлиши лозим.
Акциядорлар реестри қуйидаги саналарга шакллантирилади:
а) акциядорларининг навбатдан ташқари умумий йиғилиши тўғрисида акциядорларни хабардор қилиш учун 2022 йил «22» декабрь ҳолатига;
б) акциядорларининг навбатдан ташқари умумий йиғилишида иштирок этиш учун 2023 йил «10» январь ҳолатига.
Йиғилиш кун тартибига киритилган масалалар:
1) Умумий йиғилиш регламентини тасдиқлаш ва саноқ комиссиясини сайлаш.
2) «FAROVON SUGʼURTA» AJнинг 2022 йил 25 августда бўлиб ўтган акциядорларнинг навбатдан ташқари умумий йиғилишининг кун тартибидаги 10 масала бўйича қабул қилинган қарорни бекор қилиш тўғрисида.
Акциядорларнинг навбатдан ташқари умумий йиғилишида иштирок этиш ва овоз бериш акциядорлар ёки уларнинг вакиллари шахсан иштирок этиш йўли билан амалга оширилиши белгиланган.
Акциядорларнинг навбатдан ташқари умумий йиғилишини ўтказишга тайёрланган материаллар билан Жамиятнинг Тошкент ш., Амир Темур кўчаси, 109 уй манзилида жойлашган маъмурий биносида танишишингиз мумкин.
Маълумот учун телефон: (78) 147-11-00.
«FAROVON SUGʼURTA» AJ Кузатув Кенгаши