Qoraqalpog‘iston Respublikasi Taxtako‘pir tumanidagi 17-bolalar musiqa va san’at maktabida 268 nafar yosh iste’dod zamonaviy sharoitlarda tahsil olmoqda.
San’at dargohida xalq cholg‘ulari, fortepyano, folklor, estrada, teatr san’ati, xoreografiya, amaliy va tasviriy san’at kabi 11 yo‘nalishda mashg‘ulotlar yo‘lga qo‘yilgan. Bu yerda yaratilgan keng sharoit va 38 pedagogning mahorati samarasida o‘quvchilar nufuzli tanlov va festivallarda muvaffaqiyatli ishtirok etmoqda.
Maqsad Habibullayev (surat), O‘zA