“Navoiy kon-metallurgiya kombinati” davlat korxonasi markaziy kon boshqarmasining temiryoʻl transporti boshqarmasi faoliyat boshlaganiga yarim asrdan oshdi.

Boshqarma korxonaga keltiriladigan xomashyo, moddiy boyliklar va ishlab chiqariladigan mahsulotlarni buyurtmachilarga yetkazib berishni yoʻlga qoʻyish maqsadida tashkil etilgan.

Ayni paytda boshqarmada 1 ming 125 kishi mehnat qilmoqda. Bu yerda sohaning deyarli barcha yoʻnalishlarini qamrab olgan vagon-lokomotiv, elektromexanika, taʼmirlash, markazlashgan bloklash signalizatsiyasi kabi oltita boʻlinma faoliyati olib boradi.