Qozog‘istonning Ostona shahrida 22 yoshgacha bo‘lgan charm qo‘lqop ustalari va yoshlar o‘rtasida Osiyo chempionati o‘tkazilmoqda.

Musobaqaning 22 yoshgacha bo‘lgan bokschilari o‘rtasida o‘tkazilgan janglarda hamyurtlarimiz muvaffaqiyatli ishtirok etdi.

Chempionatning -71 kg. vaznida bahs olib borgan vakilimiz Murodbek Bahriddinov turkmanistonlik Muhammet Babayevni mag‘lubiyatga uchratgan bo‘lsa, Sayat Ilyasov -60 kg. vazn toifasida filippinlik Jericho Akaylarni taslim qildi.

Shuningdek, o‘z vazn toifalarida Ayubxon Baxtiyorov, Asilbek Jalilov, Shodiyor Meliqo‘ziyev navbatdagi bosqich yo‘llanmasini qo‘lga kiritdi.

Bugun, 29-aprel kuni Osiyo chempionatining yoshlar o‘rtasidagi bahslarida 9 nafar bokschimiz ringga ko‘tariladi.

Quyida ringga ko‘tariladigan bokschilarimiz va ularning raqiblari bilan tanishasiz:

-48 kg: Sayfiddin Sobirov — Tamta Brijesh (Hindiston);

-54 kg: Sobirjon Tastanov — Abbas Qasim Al-Sarray (Iroq) ;

-60 kg: Mironshoh Norqosimov — Musab Mirzoyev (Tojikiston);

-67 kg: Muhammadazizbek Ismoilov — Chang Chin-En (Xitoy Taypeyi);

-75 kg: Jafarbek Shahbozov — Sanjar-Ali Begaliyev (Qozog‘iston);

-86 kg: Akmaljon Isroilov — Sangvan Hemant (Hindiston);

-54 kg: Uzukjamol Yunusova — Alina Sizonenko (Qirg‘iziston);

-57 kg: Feruza Sharipova — Hangoma Isoyeva (Tojikiston);

-63 kg: Odinaxon Ismoilova — Aruke Kamytbekova (Qirg‘iziston).

Javohir Toshxo‘jayev, O‘zA