Nukus shahridagi 3-umumtaʼlim maktabining rus tili va adabiyoti oʻqituvchisi Guljamila Xolmurotova ilgʻor pedagogik faoliyati bilan hamkasblariga oʻrnak boʻlayotgan taʼlim jonkuyarlaridan.

U 20 yildan buyon taʼlim-tarbiya tizimida samarali mehnat qilib kelmoqda. Zamonaviy taʼlim andozalaridan toʻgʻri va unumli foydalanadi. Shu bois darslarni puxta oʻzlashtirib, bilimlar bellashuvi va fan olimpiadalarida muvaffaqiyatli ishtirok etayotgan shogirdlari soni tobora ortmoqda.