Qurolli Kuchlar tashkil etilganining 33 yilligiga

Toshkent shahrida 5 yanvar kuni O‘zbekiston Respublikasi Qurolli Kuchlari tashkil etilganining 33 yilligi va Vatan himoyachilari kuniga bag‘ishlab Mudofaa vazirligi va Milliy gvardiya harbiy bo‘linmalarining namoyishkorona piyoda yurishi bo‘lib o‘tdi.

“G‘alaba bog‘i” yodgorlik majmuasidan boshlab poytaxtimizning asosiy ko‘chalari bo‘ylab harakatlangan harbiy bo‘linmalar “Magic City” maydoniga qadar shaxdam qadamlar bilan jangovar qo‘shiqlarni ijro etgani yurtdoshlarimiz qalbida Vatan himoyachilariga nisbatan faxr va iftixor tuyg‘ularini yanada oshirdi.

So‘nggi nuqtada Faxriy qorovul jamoasi va qo‘l jangi ustalarining ko‘rgazmali chiqishlari, bo‘linmalarning jangovar chaqirig‘i, harbiy orkestrning difele namoyishlari ijro etilgani esa yoshlar qalbida Vatanga sadoqat bilan xizmat qilish oliy himmat ekanligini chuqur anglashiga xizmat qildi.