Nukus shahri hamda Chimboy tumanidagi “Muruvvat” internat- uylarida Qoraqalpog‘iston Respublikasi bojxona boshqarmasi tomonidan sog‘lom turmush tarzini targ‘ib qilish maqsadida shaxmat- shashka bo‘yicha sport musobaqalari o‘tkazildi.
“Aql gimnastikasi” deya nomlangan shaxmat-shashka donalari tarbiyalanuvchilar qo‘lida harakatga keldi.
Bu kabi tadbirlarning o‘tkazilishi “Muruvvat” uyi tarbiyalanuvchilarining bo‘sh vaqtini sermazmun o‘tkazish, ularning salomatligini mustahkamlash, o‘zaro do‘stlik va birdamlik muhitini yaratishga xizmat qiladi.
Qizg‘in bellashuvlarga boy bo‘lgan sport musobaqalari yakunida g‘olib va sovrindorlar aniqlanib, ularga diplom hamda esdalik sovg‘alari topshirildi.
Dovud Abibullayev,
O‘zA muxbiri