Нукус шаҳри ҳамда Чимбой туманидаги “Мурувват” интернат- уйларида Қорақалпоғистон Республикаси божхона бошқармаси томонидан соғлом турмуш тарзини тарғиб қилиш мақсадида шахмат- шашка бўйича спорт мусобақалари ўтказилди.
“Ақл гимнастикаси” дея номланган шахмат-шашка доналари тарбияланувчилар қўлида ҳаракатга келди.
Бу каби тадбирларнинг ўтказилиши “Мурувват” уйи тарбияланувчиларининг бўш вақтини сермазмун ўтказиш, уларнинг саломатлигини мустаҳкамлаш, ўзаро дўстлик ва бирдамлик муҳитини яратишга хизмат қилади.
Қизғин беллашувларга бой бўлган спорт мусобақалари якунида ғолиб ва совриндорлар аниқланиб, уларга диплом ҳамда эсдалик совғалари топширилди.
Довуд Абибуллаев,
ЎзА мухбири