Mamlakatimizda futbol bo‘yicha o‘tkazilayotgan U-20 Osiyo kubogining dastlabki chorak final o‘yini yakunlandi.
Yarim final yo‘lidagi bahsda Eron – Iroq jamoalari to‘qnash keldi. Uchrashuvda 90 daqiqa davomida darvozalar daxlsiz qoldi. Faqat 2-bo‘limning qo‘shib berilgan daqiqasida iroqliklarga omad kulib boqdi. 16-raqamda harakatlangan iroqlik Ali Jassim gol mullifi bo‘ldi.
Endi Iroq terma jamoasi Yaponiya – Iordaniya uchrashuvining g‘olibi bilan yarim finalda ro‘baro‘ keladi.
Eron – Iroq o‘yinini boshqarib borgan hakamlar tarkibida hamyurtimiz Ahrol Risqullayev to‘rtinchi hakam sifatida faoliyat olib bordi.
T.Ro‘ziyev, O‘zA