Төрткүл районындағы балалар ҳәм жас өспиримлер спорт мектебинде тәрбияланып атырған 2008-2009-2010-жыллары туўылған жас өспиримлер арасында спорттың бадминтон түри бойынша «Жаз-2021» спорт жарысы өткерилди.
Жарыс тийкарынан жаслардың бос ўақытларын мазмунлы өткериў ҳәм олар арасында саламат турмыс тәризин енгизиўден ибарат.
Спорт жарысына 30 ға шамалас жас өспиримлер қатнасты.
Жарыс жуўмағында 2008-2009-жыллары туўылған жас өспиримлер арасында Жавоҳир Дурдибаев биринши, Санжар Ахмедов екинши, Бекзод Курбанбаев ҳәм Баҳадыр Нураддиновлар үшинши орынды ийелеген болса, 2009-2010-жыллары туўылған жас өспиримлер арасында Темур Эркаев биринши, Дилшод Қурбанбаев екинши, Бехруз Турсунбеков үшинди орынға мүнәсип деп табылды. Ал, қызлар арасында Райхан Қуполова биринши, Дилрабо Фахриддинова екинши, Зухра Рустамова үшинши орынды ийелеп, жеңимпазлар шөлкемлестириўшилер тәрепинен таярланған диплом ҳәм естелик саўғалары менен сыйлықланды.
Қарақалпақстан хабар агентлиги