Билимлендириў мәкемелериндеги оқыўға қабыллаў бойынша комиссияның 1-санлы протоколы менен мақсетли қабыллаў параметрлери ҳәм мәмлекетлик буйыртпа параметрлериниң тиллер кесиминдеги бөлистирилиўи тастыйықланды. Бул ҳаққында МТО хабар берди.
Қабыллаў параметрлери ҳәм мәмлекетлик буйыртпа параметрлериниң тиллер кесиминдеги бөлистирилиўи Мәмлекетлик тест орайының my.dtm.uz сайтына жайластырылған.
Енди абитуриентлер my.dtm.uz сайтының «Қабыллаў-2021» бөлими арқалы пәнлер комплекси бирдей болған бесеўге шекемги бакалавриат тәлим бағдарын таңлаўы мүмкин.
Абитуриентлерди онлайн дизимге алыў усы жылдың 22-июлине шекем (22-июль күни де) даўам етеди.
Усы мүддет даўамында абитуриентлер өз мағлыўматларын өзгертиўи және шет тилинен миллий ямаса халықаралық сертификатқа ийе болатуғын болса, сертификат мағлыўматларын системаға киргизиўи мүмкин.
Қарақалпақстан хабар агентлиги