Нөкис районында 2025-жылдың өними ушын усы жылдың август-сентябрь айларында бағ қатар араларына пияз ҳәм чеснок сондай-ақ,  ноябрь-декабрь айларында “Тоқсанбасты” усылында баў-бақша егинлерин егиў бойынша семинар шөлкемлестирилди.

Илажға  Қарақалпақстан Республикасы Аўыл хожалығы министрлигиниң тараў қәнигелери, Нөкис районы аўыл хожалығы бөлими қәнигелери, сондай-ақ, дийқан фермер хожалықлары қатнасты.

Атап айтқанда, Нөкис районында фермер ҳәм аўыл хожалығы кәрханаларында август-сентябрь айлары даўамында 114 гектар майданға пияз ҳәм чеснок  егинлерин егиў белгилеп берилген.

Өткерилген семинарда халықтың баў-бақша егинлерине болған талабын толық қанаатландырыў ҳәм азық-аўқат қәўипсизлигин тәмийинлеў мақсетинде, 2025-жылдың өними ушын фермер ҳәм аўыл хожалығы кәрханаларының бағ атызларының қатар араларындағы жерлерден үнемли ҳәм нәтийжели пайдаланыў, тоқсанбасты усылында егинлерди  егиў, агротехникалық илажларды өз ўақтында алып барыў бойынша тийисли көрсетпелер ҳәм усыныслар берилди.

Қарақалпақстан хабар агентлиги