Республикамыздағы 653 референдум участкасында ерте таңнан даўыс бериў басланды.
1 ̶ Қарақалпақстан округи аймағында дүзилген референдум өткериўши участкаларда даўыс бериўшилер ушын барлық шараят жаратылған. Нөкис қаласындағы 70 ̶ референдум участкасында болғанымызда буның айқын гүўасы болдық.
-Аймағымызда 2 мың 169 адам даўыс бериў ушын дизимге алынды,дейди референдум участкасының баслығы Қыдырберген Исмаилов,-Соннан 18 жас биринши мәрте даўыс бериўде қатнасады. Буннан тысқары, 48 кексе ҳәм майынлығы болған пуқара болып, олардың даўыс бериўи ушын барлық шараят жаратылып берилмекте. Ҳәзирги ўақытта шекем аймағымыздан 466 пуқара даўыс берди.
Республикамыздағы қалған референдум участкаларында да даўыс бериў даўам етпекте.
Қарақалпақстан хабар агентлиги