Өзбекстан Республикасы Президентиниң пәрманы
Мәмлекетимизде инсан қәдирин улығлаў, атап айтқанда, әзиз ҳаял-қызлар ҳәр тәреплеме итибар ҳәм ғамхорлық көрсетиў, апа-сиңлилеримиздиң мәмлекет ҳәм жәмийет турмысында тутқан орны ҳәм абырайын арттырыў, сондай-ақ, өзиниң пайдалы мийнети, бай әмелий тәжирийбеси менен елимизде алып барылып атырған түпкиликли реформалар процесинде белсене қатнасып, Жаңа Өзбекстанды қурыў, халқымыз абаданлығын жоқарылатыў жолында баслама ҳәм үлги көрсетип киятырған, шаңарақларда руўхый-әдеп-икрамлы орталықты беккемлеў, перзентлеримизди ана Ўатанға муҳаббат, миллий ҳәм улыўмаинсаныйлық қәдириятларға ҳүрмет руўхында тәрбиялаў жумысларына үлкен үлес қосып атырған ҳаял-қызларымызды мүнәсип қәдирлеў мақсетинде төмендегилер сыйлықлансын:
Қарақалпақстан Республикасы бойынша:
«Меҳнат шуҳрати» ордени менен
Аитбаева Рузибика Аматовна – Беруний районындағы «Бостан» мәҳәлле пуқаралар жыйыны баслығы,
«Дўстлик» ордени менен
Аннамуратова Мухаббат Шермановна – Беруний районындағы «Беруний агро пиллеси» жуўапкершилиги шекленген жәмийети баслығы
«Соғлом турмуш» медалы менен
Жақсымуратова Айсултан Жумамбетовна – Қанлыкөл районындағы 19-балалар музыка ҳәм көркем өнер мектебиниң қосықшылық бөлими оқытыўшысы
Сапарова Рано Джаңабаевна – Қараөзек районы медицина бирлеспесиниң қыстаўлы медициналық жәрдем бөлиминиң үлкен мийирбийкеси
«Содиқ хизматлари учун» медалы менен
Жамалова Бәҳәргүл Оралбаевна – Мойнақ районы мәҳәлле ҳәм шаңарақты қоллап-қуўатлаў бөлими баслығының ҳаял-қызлардың жәмийетлик-сиясий белсендилигин арттырыў бойынша биринши орынбасары
«Шуҳрат» медалы менен
Балтабаева Нурсулыў Көшкинбаевна – Нөкис қаласындағы Президент мектебиниң атқарыўшы директоры
Давлетярова Зулфия Жапаковна – Қоңырат районындағы «Дияр маркет Қоңырат» жуўапкершилиги шекленген жәмийетиниң басшысы
Даулетназарова Рая Курбанбаевна – «Uz-Kor Gas Chemical» қоспа кәрханасының цех инженер-метрологи.
Өзбекстан Республикасы
Президенти Ш.МИРЗИЁЕВ
Ташкент қаласы,
2022-жыл 5-март