2022-жыл 10-январь күни Норвегияның Осло қаласында илимий-изертлеў, дөретиўшилик ҳәм жәмийетлик белсендилиги бойынша жетискенликлерге ерискен бакалавр студентлери, магистрантлар ҳәм докторантлар арасында халықаралық конкурс болып өткен еди.
Бул конкурсқа, Бердақ атындағы Қарақалпақ мәмлекетлик университетиниң электр станциялары қәнигелигиниң 2-курс магистранты, Өзбекстан Республикасы Олий Мажлиси Нызамшылық палатасы жанындағы Жаслар парламентиниң ағзасы, ӨзЛиДеП ағзасы Дәўлетбай Сәрсенбаев белсене қатнасып, усы жыл 15-январь күни конкурс комиссия ағзалары тәрепинен нәтийжелери жәрияланып, халықаралық конкурсының лауреаты, деп табылды. Ол шөлкемлестириўшилер тәрепинен алтын медаль, гүўалық, I дәрежели лауреат дипломы менен сыйлықланды.
Сондай-ақ, магистранттың илимий басшысы, «Электр энергетикасы» кафедрасының баслығы, техника илимлери бойынша философия докторы, доцент Камал Реймов та миннетдаршылық сыпатында диплом менен сыйлықланған.
Қарақалпақстан хабар агентлиги