Быйыл 27-июнь күни қабыл етилген «Жасларды шет тиллерине оқытыў системасыныӊ нәтийжелилигин арттырыў бойынша қосымша илажлар ҳаққында»ғы Президент қарары менен Жаслар ислери агентлигине айырым қосымша функциялар жүкленди.
Атап айтқанда:
- жасларды шет тиллерине оқытыў процесслерин жетилистириў, талап жоқары болған шет тиллерин толық өзлестириў ушын шараятларды кеӊейтиў, деп мәлимлеме береди хабар.уз
- шет тиллерин оқытыў жумысы менен шуғыллыныўшы ЖТИлер, өзин-өзи бәнт еткен шахслар ҳәм мәмлекетлик емес билимлендириў шөлкемлери (жеке меншик оқыў орайлары), усы бағдарда жумыс алып баратуғын басқа мәмлекетлик емес коммерциялық емес шөлкемлерди раўажландырыў ҳәм қоллап-қуўатлаў, тараўдағы машқалаларды турақлы түрде таллаў ҳәм олардыӊ шешими бойынша усыныслар таярлаў;
- жеке меншик оқыў орайлары рейтингин қәлиплестириў ҳәм рейтигте жоқары орынды ийелегенлерди хошаметлеў;
- жаслардыӊ арасында кәсип-өнер ҳәм шет тиллерин үйрениўди үгит-нәсиятлаў, усы бағдардағы социаллық жойбарлар, таӊлаў ҳәм олимпиадаларды шөлкемлестириў.
Қарақалпақстан хабар агентлиги